________Velkommen til Masfjorden SKU og SK_______

Masfjorden kommune har i alle år støtta klubben og det er gledeleg å melda at Reknes Byggjevarer LL og Brødrene Lahti AS er hovudsponsorar i 2016.
Masfjorden SKU/SK samarbeider med
Nordhordland Sjakk .
Facebook: Masfjorden SKU - Masfjorden SK - Nordhordland Sjakk

Sjakkleir i Masfjorden 22.-25. juni
Les meir om aktivitetar, påmelding og betaling: Sjakkleir 2016

NM for klubblag i Stavanger 10.-12.6.16

Sjakkleir BGP/UGP i Masfjorden lørdag 25.6.16
(du kan delta på turneringa utan å vera med på sjakkleiren)

Åpent Hordalandsmesterskap GP 27.-29.5.16
Lisbeth, Shjalg Ole og Roy André spelte turnering i Olsvik (SOS Barnebyer) denne helga. Shjalg Ole spelte seg til ein strålande sjuandeplass av 28 (alle klassane spelte i ei gruppe) med 3.5 av 5 poeng, førstepremie i klasse 5 (Liam J.R. fekk førstepremie i klasse 4) og ein ratingframgang på omlag 100 poeng.  Lisbeth  spelte seg til ein flott niandeplass med 3 poeng.
Roy André , spelte fleire gode parti og var nær å ta meir enn 1 poeng.  Resultatliste.

Søråshøgda Mai-BGP  22.5.16
Shjalg Ole (lilleputt), Roy André (kadett) og Sondre (lilleputt) reiste til Bergen for å spela BGP/UGP-turnering søndag 22. mai. Shjalg Ole og Roy André tapte 3 og sigra i 3 parti, Sondre spelte seg til 2.5 av 6 poeng. Resultatlister.

Æresmedlem i Ungdommens Sjakkforbund
Odd Birkestrand vart søndag 17.4.16 valgt til æresmedlem i USF, Odd har vore leiar og trenar i Masfjorden SKU sidan han starta klubben i 1978. I tillegg til det frivillige arbeidet han har lagt ned i Masfjorden SKU (æresmedlem sidan 2003), vart det m.a. lagt vekt på innsatsen for å få med fleire jenter i sjakkmiljøet. Du kan lesa meir om Odd (kulturpris og Kongen sin medalje i sølv) og klubben sin historikk f.o.m 1978 her.

Bilete er henta frå klubben sitt 30-årsjubileum der Odd takka for å ha fått utdelt Kongen sin medalje i sølv av ordførar og rådmann.

Stavanger Norway Chess GP 22.-24.4.16
I tillegg til hovudturneringa Altibox Norway Chess, (GM Magnus Carlsen sigra), var det fleire sideturneringar (GP, landskamp, skulelagsjakk mm). 
Lisbeth spelte seg til 3.5 av 6 poeng i klasse B i GP-turneringa, eit resultat omlag som forventa. Resultatlister.

NM for skulelag 15.-17.4.16
NM for skulelag vart i år arrangert i Bergen på Quality Hotel Edvard Grieg på Sandsli. Nordbygda skule stilte med barneskulelag - Shjalg Ole, Sondre, Gabriela, Steinar og Josefine. I første runde sigra dei 4 - 0, tap 0 - 4 i andre, uavgjort 2 - 2 i tredje, 0 - 4 tap i fjerde, 1 - 3 tap i femte, 3 - 1 siger i sjette og 1 - 3 tap i sjuande og siste runde. Resultatlister.

Shjalg Ole, Steinar, Sondre og Roy André fekk spela simultan mot GM Leif Erlend Johannessen. Shjalg Ole klarte å lura til seg remis ved å unngå å bli matt før tida til GM'n var ute.
 
I tillegg til NM for skulelag, vart det arrangert:
Bergen Barnas Grand Prix  17.4.16
Roy André spelte i kadettklassen og tok 2 av 5 poeng. Han spelte jamt med klassevinnaren, men tapte sluttspelet.
Resultatlister .


Premiedrysset Grand Prix Bergen 16.4.16
Roy André  i gruppe B var den einaste frå Masfjorden. Han spelte ei god turnering og kom på femteplass med 4 av 7 poeng (han var i delt leiing før sjuande og siste parti, det vart desverre tap). Resultatlister.

Sjakk1.no Velkomstlyn-GP 15.4.16
(ingen med frå Masfjorden).
 

Bergen kursavslutnings-BGP  lørdag 9. april
Bergens arrangerrte BGP/UGP-turnering på Nordnes bydelshus, heile 94 spelarar møtte opp denne flotte vårdagen. Frå Masfjorden spelte Shjalg seg til 3.5 av 6 poeng i lilleputt, Roy André 2 poeng i kadett og Gabriela 3 poeng i Mikroputt. Resultatlister.

TV 2 Fagernes International 20.-27.3.16
Sigve er tilbake som medlem i Masfjorden SK og deltar i år i GM-gruppa på Fagernes. Sigve var ein av dei lågast rata i klassen og fekk ein tung start på turneringa. Han avslutta med å slå tvillingsøstrene Machlik i dei to siste partia, og med det 4 av 9 poeng. Resultatlister.

Fagernes Easter Blitz  26.3.16
Lørdag 26. mars var det lynsjakk i to grupper (o/u 1500). Shjalg og Lisbeth spelte i gr B og Sigve i A, Lisbeth spelte seg til ein flott andreplass! Resultatlister.

Årsmøte i Masfjorden SKU 17.3.16
Årsmelding, rekneskap og val var på saklista til årsmøtet i Masfjorden SKU på Sandnes skule torsdag 17. mars kl 19.00. Leiar nytta høvet til å takka avtroppande kasserar Vebjørn og styremedlem Gry Helen for jobben dei har gjort i styret dei siste fire åra.

Styremøte i Masfjorden SKU 17.3.16
Konstituering av nytt styre og ein søknad om støtte var sakene på eit kort styremøte i etterkant av årsmøtet.

Du kan lesa referat frå årsmøte og styremøte under lenka "Medlemmer".

KM for skulelag 12.3.16
KM for skulelag vart arrangert i Bergen. Desverre kolliderte det med seminar i skulemusikken, og dermed ingen lag frå Masfjorden i år.

Bad Wörishofen  26.2-5.3.16
Odd tok turen til Tyskland for å spela i seniorklassen i ein stor sjakkfestival litt vest for München. I dei to første rundane vart det tap mot spelarar rata 2009 og 2153. Resultatliste.

Odd (1746): 0 - 0 - 1 - 0 - 1 - 0 - 0.5 - 0.5 - 0 = 3 av 9 poeng

Masfjorden Grand Prix 2016
Masfjorden SKU/SK arrangerte tre turneringar for barn, unge og vaksne helga 19. - 21. februar. I Masfjorden GP var det med 53 spelarar i gruppe A (6), B (14) og C (33).
A: 1. FM Vegard Koi Gandrud, Hønefoss 5.5 poeng 2. Johannes Luangtep Kvisla, 1911 5.0 poeng 3. Joar Gullestad Pettersen, Stavanger 4.5 poeng.
B: 1. Mikael Takle, Bergens 3 poeng 2. Lisbeth Haugsvær, Masfjorden 3 poeng 3. Kjetil Andås, Masfjorden 3 poeng.
C: 1. Philip Sumner, CAN/Masfjorden 6 poeng 2. Kip Sumner, CAN/Masfjorden 5 poeng 3. Monica Lauvik Fjeldstad, Sotra 4.5 poeng. Resultatlister.

Avisa Strilen tok turen til MGP 2016:
Sette dei lokale... og Eksotisk besøk under MGP


Sotra SK skriv om turneringa på heimesidene.



Nordisk for ungdom  19.-21.2.16
Sigve spelte ei god turnering i Sverige, han tok 3.5 av 6 poeng og møtte høgare rata spelara i 5 av partia. NM-vinnar IM Johan-Sebastian Christiansen sigra med 6 av 6 poeng.

Masfjorden BGP 2 21.2.16
14 spelarar fann vegen til Sandnes skule for å kjempa om poeng og premier i dei tre yngste BGP-klassane. Joakim Aasen, Haukås sigra i mikroputt, Kasper Larsen, Masfjorden i miniputt og Nikolai Kjøsnes-Kallekleiv, Masfjorden i lilleputt. Resultatlister.

Masfjorden BGP 1  20.2.16
Mange av dei unge spelarane valde å spela i langsjakkturneringa Masfjorden GP denne helga. 10 barn stilte opp i den første BGP-turneringa i år. Ann Regine sigra i lilleputt, Erlend i miniputt og Emil i mikroputt. Resultatlister.

NM for jenter   12.-14.2.|6
Gabriela og Josefine var i Oslo for å spela NM i sjakk for jenter. Gabriela spelte seg til 4 av 6 poeng og femteplass i mikroputt og Josefine tok 1.5 av 6 poeng i lilleputt. Resultatlister.

Vestlandsserien 2015/16
Masfjorden SK tapte 0 - 5 mot favorittane SK 96 i første runde i seriesjakken. I andre runde vart det eit nytt tap, denne gong 1 - 4 mot Bergens 3. I tredje 0 - 5 tap mot Bergens 2. Siger 3 - 2 mot Søråshøgda i fjerde. Ny siger i femte med 4 - 1 mot Sotra 2. Med dei fira lagpoenga me spelte oss til den siste seriehelga, klarte me å halda plassen i 1. divisjon.


Sjakk1.no Superhelg Lyn GP  31.1.16  Sjakk1.no Superhelg Hurtig GP 30.1.16
Kjetil (og Sigve) med gode resultat i lyn- og hurtigsjakk på Sotra denne helga. Kjetil vart beste klasse 2 spelar i lynsjakk og tredjebeste i hurtigsjakk.

Praha Open   8.-15.1.16
Odd (1764) reiste til Praha saman med fleire nordmenn. Dei fleste spelte i gr. A, Odd spelte i gr. B. Remis i dei to første og siger i tredje parti. I fjerde vart det tap mot den høgast rata i gruppa, remis i femte.

Odd : 0.5 - 0.5 - 1 - 0 - 0.5 - 0 - 1 - 1 - 0.5 = 5 av 9 poeng
 
Lynsjakk 13.1.: GM Simen Agdestein sigra med 11 av 11 poeng, resultatliste. Odd spelte ei variert turnering med 4.5 av 11 poeng, høgdepunktet var nok remis i første runde mot Robin Jacobi (2268).

Sjakkfestival med NM for Jenter 13.-15.2.15
Masfjorden sjakklubb arrangerte NM for Jenter for femte gong. Gabriela Lunde Haugsdal er den femte jenta frå Masfjorden som blir Noregsmeister i NMJ (Trude Birkestrand, Silje Totland (2), Andrea Horgen Kvinge og Katarina Horgen Kvinge - les meir om NM-titlar her).

Resultatlister:
NM for Jenter 2015    Masfjorden GP 2015

Bilder dag 1    Bilder dag 2    Bilder dag 3     (Fotograf: Audun Hølleland)

Medieomtale: Nordhordland - Masfjorden Kommune - OSS - Strilen 

Førsteplassane i NM for Jenter

Ungdom: Kimiya Sajjadi OSS - Kadett: Ingrid Andrea Greibrokk Alta - Lilleputt: Maria Næss  Vålerenga - Miniputt: Linnea Garberg Tryggestad Nordstrand - Mikroputt: Gabriela Lunde Haugsdal Masfjorden.

AEW-pokal for beste lilleputt: Maria Næss - AEW-gullmedalje for beste parti: Maria Næss og Amalie I. Merkesvik 1 - 0  AEW-sølvmedalje: Sofie Løfaldli og Ingrid Jørdre Kvamme remis   AEW-bronsemedalje: Ingrid Skaslien og Thyra Kvendseth 0 - 1.

Utdanning og NRK-TV 2014/15
Bladet Utdanning var på besøk hjå Masfjorden SKU, les meir om det her   Torsdag 4. desember var NRK-Vestlandsrevyen på besøk:
Sending mandag 5. jan kl 18.45
(innslaget kjem på slutten av sendinga)
 

Hei!
Prøv å lage din egen hjemmeside som jeg.
Det er enkelt, og du kan prøve det helt gratis.
ANNONSE